შემოდგომა

ჩემი ვიდეოები

კურსის რეფლექსია

დღეს დავამთავრე ცხრადღიანი რთული, მეტად საინტერესო და ნაყოფიერი შრომა. პროექტებით სწავლება  დამეხმარება ჩემი მოსწავლეებისთვის სასწავლო პროცესი გავხადო  უფრო სახალისო, საინტერესო, აქტიური. სწორად დასმული თემატური და შინაარსობრივი კითხვებით გავაღვიძო მათი ინტერესი თემის მიმართ,  მრავალფეროვანი აქტივობებით ხელი შევუწყო  21-ე საუკუნის უნარ-ჩვევების განვითარებას, გავუღრმავო ცოდნა, მივაჩვიო შრომისმოყვარეობას, გავხადო  კრეატიული. პროექტებით სწავლება მთლიანად ბავშვის აქტიურობაზეა დამოკიდებული. მჯერა, აქტიურ ბავშვში ყალიბდება აქტიური მოქალაქე. განათლებული. გონიერი, კრიტიკულად მოაზროვნე, შემოქმედი მოსწავლეების აღზრდა ჩემი მოვალეობაა. ვაწარმოე პორტფოლიო, რომელშიც ჩემთვის ყველაზე ღირებული მოსწავლეთა ნიმუშებია.

დღეს  გავეცანით  მეშვიდე მოდულს, ვისაუბრეთ ფასილიტაციაზე, ჯგუფების შექმნაზე. 

მეშვიდე დღე

დღეს  განვიხილეთ შეფასების სტრატეგიები ,  შევიმუშავეთ  კრიტერიუმები და რუბრიკები  მახასიათებლების მიხედვით.  ვისაუბრეთ უკუკავშირზე

მეექვსე დღე

განვიხილეთ მეოთხე მოდული,  ვიმუშავეთ მოსწავლის  სავარაუდო  ნაშრომების  შექმნაზე, რასაც  გამოვიყენებ  მოსწავლეთა შესაძლებლობების  დადგენის მიზნით.

• ვისაუბრეთ  უკუკავშირზე,  შეფასების  სტრატეგიებზე
• გავიგე როგორ გამოვიყენებ ინტერნეტს სწავლებისა და სწავლის პროცესის ხელშეწყობისთვის,  როგორ შევადგენ  ბიბლიოგრაფიის ფურცელს  და  დავიცავ საავტორო უფლებებს.

მე-4 დღის რეფლექსია

დღეს ვიმუშავეთ დროში  გაწერილი  შეფასების  გეგმის შემუშავებაზე,  განვიხილეთ  ინსტრუმენტების  გამოყენება  და შეფასების  სტრატეგიები.  პროექტზე მუშაობისას გავითვალისწინებ მოსწავლეთა წინარე ცოდნას, მათ ინტერესებსა და  შესაძლებლობებს, წავახალისებ და მივიყვან მიზნამდე.

მესამე დღის რეფლექსია

დღევანდელი სამუშაო  დღე ძალიან  საინტერესო  იყო.  ვიმუშავე   მიმართულების მიმცემი საკვანძო კითხვების  დასმაზე,    ვნახე  ნიმუშები.   ზოგადი,     თემატური
 და  შინაარსობრივი  კითხვების  მომზადება, ვფიქრობ, მნიშვნელოვანია.
კითხვებით ვეცდები  მოსწავლეთა  დაინტერესებას  თემის ირგვლივ ,  მჯერა,  პატარები იშრომებენ ხალისით და მივაღწევ  სასწავლო მიზანს.